HomeTrendingComputerControl Panel kya hai || Control Panel...

Control Panel kya hai || Control Panel in hindi.

Control Panel aaj ka hamara topic hai agar aap computer ka upyog karte hai aur aap computer ko achche se chalana sikhna chahte hai to yah jaruri hai ki aapko control panel ki jankari hona chahiye kyoki control panel ki madad se computer me bahut sare kaam kiye jate hai. Control panel ke andar aapko apne computer se related sabhi settings dekhne ko mil jati hai. Yaha tak ki agar computer me kuch problem hoti hai usko thik karne ki settings bhi hume control panel me dekhne ko mil jati hai.

Agar aapke computer me mouse kaam nahi kar raha hai to iska solution isi me dekhne ko milta hai yaha tak ki aapke computer me konsa windows hai cpu ki jankari aur bhi bahut sari esi baate hai jinke bare me hum control panel ki madad se jaan sakte hai. Aaj hum control panel ko thoda detail se janne wale hai to chaliye sabse pahle hum control panel ki defination jaan lete hai.

Control Panel kya hota hai janiye

Computer System me Control panel Multiple Program ka ek group hota hai. Control panel ko C-Panel bhi kaha jata hai. Iska Upyog System & Security, Account Setting, Network Setting, Font Setting, Hardware, Internet Setting, User Account Setting ko manage aur control karne ke liye kiya jata hai. Control Panel ki madad se Hum apne pure computer system ko apne hisaab se manage kar sakte hai. Iski madad se hum apne system ki security ko bhi control kar sakte hai iske alawa aap apne computer me kisi bhi program ko nikal sakte hai aur install kar sakte hai. Control panel me hume bahut sare features dekhne komilte hai hum aapko in features ke bare me batate hai.

Features Of Control Panel in Hindi

Hum aapke sath Control panel ke features ke bare me share kar rahe hai aap inke bare me niche padh kar jaan sakte hai. To chaliye C panel ke features ko dekh lete hai.
Keyboard
Keyboard ek bada jaruri hissa hota hai aapke system ka iske bina to aap apne computer me kuch bhi type nahi kar sakte hai. Keyboard me kai prakar hote hai aap apne computer me alag se secondory keyboard connect kar sakte hai. Keyboard ke baare me bahut kuch hai janne ke liye aur inke bare me hum aane wali post me janenge. Keyboard ki jankari hum ek pura article likh kar aapko denge.
Mouse
Mouse ka kaam hota hai cursor ko move karne ka aur kisi bhi option ko select karne ke liye iska upyog kiya jata hai. Aap control panel ki madad se mouse ki speed aur movment ko manage kar sakte hai. Aapko agar lagta hai ki aap mouse ki settings ko change karna chahte ho to iske liye aap control panel me mouse me chale jaye yaha aapko mouse bare me sabhi jankari bhi mil jati hai aur aap yaha se mouse ki settings me badlaav bhi kar sakte hai.
Device Manager
Device manager ek program hai aur iski madad se hum apne computer me insall hardware aur software ko control kar sakte hai aur yah computer me internal hardware and software ko jodne ka kaam karta hai. Aap iski madad se yah jaan sakte hai ki aapke system me kounsa hardware kaam nahi kar raha hai usme kya problem hai yah sab Device Manager ki madad se pata lagaya jata hai.
Program and Features
Prgram ka matlab application ya software se hota hai aur iska control panel me yah kaam hota hai ki yah hum is baat ki jankari deta hai ki hamare computer me kon kon se apps ya software install hai aap chahe to is feature ki madad se computer se application ko uninsall bhi kar sakte hai. Iski madad se aap computer me installed kisi bhi software ke version aur size ke bare me jankari le sakte hai.
Screen and Display
Control panel me yah option isliye diya jata hai ki iski madad se hum apne computer ki display settings ko change kar sakte hai. Aap yaha par display ko chota aur bada kar sakte hai rotate aur ulta sidha bhi kar sakte hai. Aap apni display ka resolution change kar sakte hai iske alawa computer me dark mode ka option bhi yahi par dekhne ko mil jata hai. Aapko display setting me jyada changes karne ki jarurat nahi hoti hai.
User Account Option
Control panel me yah bada kamaal ka feature hota hai isko hum tab upyog me le sakte hai jab ek system ko hum dusre ke sath share karte hai. Aap yaha par apne computer ke liye dusra account create kar sakte hai aur security ke liye password laga sakte hai taaki yah account jo aapne banaya hai usko wahi access kar sakte hai jiske paas account ka password hota hai.
Sound
Aapko apne computer me jitne bhi sounds sunne ko milte hai unki puri settings control panel ke sound wale option em dekhne ko milti hai. Aap agar koi kisi ki aawaz ko bhi record karna chahte hai to wah kaam bhi yahi se hoga. Aap is option ki madad se speaker ka upyog karke computer sound ko control kar sakte hai. Aap sound setting me computer ki volume ka base fix kar sakte hai ki aapka sound isse jyada ya kam nahi hoga esi setting bhi hume yaha dekhne ko mil jati hai.

Internet and Network Setting

Computer ka upyog hum internet ko access karne ke liye bhi karte hai to computer me internet chalane ke liye aapko kuch settings karna hoti hai jo hume is option me dekhne ko milta hai aur agar aapke network ya internet me koi problem hoti hai to uske liye aapko control panel ke is feature ka upyog karna hota hai. Aapko is option me Wifi Hotspot, dongle sabhi settings dekhne ko milti hai jinhe aap manage kar sakte hai. Yaha par apne computer me internet ki puri settings ko control kar sakte hai.

Personalization

Personalization ek esa feature hai jo ki computer ki home screen me changes karne ke liye upyog kiya jata hai. Isme aapko computer me windows background change karne ke liye option dekhne ko milte hai iske alwa computer ke colors ko bhi yaha se change kar sakte hai itna hi nahi agar aap computer me koi new theme upyog karna chahte hai to iska option bhi personalization me dekhne ko mil jata hai.

Troubleshooting

Windows me aane wale error ko thik karne ke liye hum is feature ka upyog kar sakte hai. Troubleshooting ki madad se aap software me aane wale error ko bhi thik kar sakte hai. Aapke computer me windows 10 hai aur computer me bahut sare software insalled hai aur ab aap old windows ko new windows me upgrade kar lete hai. Ab yaha jo aapke computer me software install the jo old windows me kaam kar rahe the par new windows me kaam nahi kar rahe hai to ese me aap unhi software ko new windows me troubleshoot madad se chala sakte hai.

Dosto iske alawa bhi bahut sare features hume control panel me dekhne ko mil jate hai jinke bare me hum baad me janenge. Aaj humne control panel ke bare me bahut kuch jana aur sikha hai. Aap control panel ke bare me kuch janna chahte hai to hume bata sakte hai hum aapko uski jankari jarur denge. Aapko lagta hai ki yah post helpfull hai to aap apne dosto ke sath iske bare me jarur share kare isse hume bhi apni mehnat ka reward mil jayega aur aapke dosto ko bhi control panel ke bare me janne ko mil jayega.

RELATED ARTICLES

LEAVE A REPLY

Please enter your comment!
Please enter your name here

You might also like...

Google id (gmail id) ka password bhul gaye hai ! to kya kare

Aapne hamari pichli post padh kar google account to bana liya hoga. Ab sirf...